- Փոխադրիր հատվածը՝ ուղղակի մեջբերվող խոսքը դարձնելով անուղղակի։
Դավիթ գընաց հորեղբոր մոտ.
— Է՜յ հորեղբայր, կանչեց հերսոտ,
Իմ հերն ուներ կռվի համար
Հրեղեն ձի, ոսկի քամար,
Ծալ-ծալ կապեն գուռզը պողպատ,
Թամբ սադափեն, կուռ սաղավարտ,
Խաչ պատրաստին իր աջ բազկին,
Զըրահ շապիկ, Թուր-Կեծակին,
Կըտաս — բեր տուր…
— Վա՜յ Դավիթ ջա՜ն,
Ահից գոռաց Ձենով Օհան.
Քո հոր մահվան տարուց-օրից
Դուրս չեմ հանել ձին ախոռից,
Ոչ սընդուկից Թուր-Կեծակին,
Զըրահ շապիկ, ոսկի գոտին…
Ինձ թող ամա՜ն, մի՛ սպանիր,
Կուզես — հըրեն, գընա հանի՛ր։ - Կետադրիր տրված նախադասությունները.
- Ու միայն մասրենու կարմիր թփերն էին ու փայլուն մասուրները դեղնած տերևների արանքներում։
- Մի տեղ աշնան մուգ կանաչ արտերն էին մի այլ տեղ գարնան սև ցելերը։
- Ամռան շոգին այնտեղ սառն էր պատերը լպրծուն։
- Այնտեղ միշտ մռայլ ամպ էր նստում ամպի տակ սառույցի հաստ շերտեր։
- Մոխրի մեջ խաղացող երեխաները տեսան թե ինչպես շները հաչելով վազեցին ձիերի վրա։
- Քեզնից ամբողջ օրը փողոցներ չափչփողիցդ հազիվ թե կարգին մարդ դուրս գա։
- Այդ ամենը ընդունում էր որպես գուղացի աղջկա անուրախ մանկությունից մնացող անքննելի խորհուրդ։
- Թանգարանի պահեստներում մնացել են արվեստի մարդկանց աչքից հեռու մնացած գործեր։
- Հոգնած կոպերը կծանրանան, բայց լսողությունը հաստակ ու արթուն միշտ կհետևի շարժիչի ձայնին։
- Դա մի փոքրամարմին կին էր տարօրինակ ծեր առողջությունից զրկված։
3. Ուղղակի մեջբերված խոսքը դարձրու անուղղակի։ Հետևիր կետադրությանը
- Սիրում էր կրկնել այս խոսքերը.
-Եթե ուզում ես քեզ հետ ճանապարհ ընկնեմ, լսիր իմ խորհուրդը։
- Ս.Դալին մի առիթով գրել է. «Երեք տարեկանում երազում էի խոհարար դառնալ, հինգում՝ Նապոլեոն, այսօր ուզում եմ՝ ես ինքս լինեմ»։
- Մոնտեսքյոն ասել է.
-Եթե մենք ուզում ենք կառավարել մարդկանց, չպետք է վանենք, այլ պետք է հետևենք նրանց։
4. Անուղղակի մեջբերված խոսքը դարձրու ուղղակի։ Հետևիր կետադրությանը։
- Նիցշեն ասում է, որ ով տիրապետում է ուժին, հրաժարվում է մտքից։
- Ասաց, որ չի ուզում մեզ հետ որևէ հարց քննել, և անշտապ դուրս եկավ սենյակից։
- Երկար բանավեճից հետո հայտարարում է, որ չի ուզում աշխատել այդ հիմնարկում և հեռանում է։
Հայոց լեզու և գրականություն 