11.15.2016

Տնային աշխատանք

  1. Փոխադրիր տեքստը։
  2. Գնահատիր ոստիկանի առաջարկը (արդյունավետ առաջարկ է, անարդյունավետ է, արադարացի է, թե՝ չէ և այլն), հիմնավորիր գնահատականդ։
  3. Գնահատիր բանտարկյալների մտածողությունը։ Առաջարկիր մտածողության ավելի արդյունավետ տարբերակ։
  4. Էսսե գրիր և մեկնաբանիր՝ ինչո՞ւ միասին նույն գործն անող մարդիկ իրար չեն վստահում։

Բանտարկյալի երկընտրանքը

Բերնար Վերբեր

«Բացարձակ և հարաբերական գիտելիքի նոր հանրագիտարան» գրքից

1950 թվականին Մերլին Դրեշերի ու Մերրիք Ֆլուդի հայտնագործությունը բանտարկյալի երկընտրանքն էր։ Ահա՝ դրա էությունը. երկու հոգի ձերբակալվում ու  մենախուց են տարվում բանկ մուտք գործելիս։ Ոստիկանը, որպեսզի ստիպի նրանց խոստովանել բանկը թալանելու մտադրությունը, հետևյալ առաջարկն է անում. եթե լռեն, ամեն մեկը երկու տարվա բանտարկության կդատապարտվի։ Եթե մեկը մեղադրի մյուսին, իսկ սա այդպես էլ չխոսի,  մատնողը կազատվի, իսկ լռողը կդատապարտվի հինգ տարվա ազատազրկման։ Եթե երկուսն էլ իրար մեղադրեն, երկուսն էլ կնստեն չորս տարի։ Ընդ որում, մեղադրվողները գիտեն, որ նման առաջարկ արվել է իրենց երկուսին էլ։
Ի՞նչ է կատարվում դրանից հետո։ Երկու ձերբակալվածները մտածում են. «Վստահ եմ, որ մյուսը կծակվի։ Նա ինձ կմեղադրի, ինձ հինգ տարի կտան, իսկ իրեն կազատեն։ Ու դա արդեն չափազանց անարդար կլինի»։ Հետո երկուսի խելքին էլ փչում է. «Եթե ես մատնեմ, ինձ կազատեն։ Ինչո՞ւ երկուսս էլ տանջվենք, եթե մեզնից մեկը կարող է խուսափել պատժից»։ Կարճ ասած՝ այսպիսի իրադրության մեջ մեծ մասամբ փորձարկվողները մատնում են իրար։ Քանի որ երկրորդ գործակիցը մտածում է ճիշտ այնպես, ինչպես առաջինը, երկուսն էլ չորս տարի ազատազրկման են դատապարտվում։
Բայց եթե երկուսն էլ լռեին, ընդամենը երկու տարով բանտ կընկնեին։
Մի ավելի տարօրինակ օրինաչափություն. եթե նույնիսկ կասկածյալները փորձի ընթացքում կարողանում են հանգիստ շփվել իրար հետ, արդյունքը մնում է նույնը։ Երկու մարդ, նույնիսկ միասին վարքի ռազմավարություն մշակած լինելով, վերջում դավաճանում են։ Խնդիրն այն է, որ մարդիկ ընդունակ չեն իրար միանգամայն վստահելու։

ՀԱՏՈՒԿ

Երեկվա տեքստը գրավոր պատմիր քո բառերով։

Մարդը հանդիպում է։  նախադասությանը ավելացրու տրված հարցերին պատասխանող բառեր.

  • Ինչպիսի՞ մարդը
  • Ե՞րբ է հանդիպում
  • Ո՞ւմ է հանդիպում
  • Ինչպիսի՞ տղայի է հանդիպում։
  • Որտե՞ղ է հանդիպում։